Aktuelt
Fagdagar om kjønnslemlesting, tvangsekteskap og æresrelatert vald
- 24/08/2015
- Av: RVTS Vest
- Kategori: Aktuelt Førebygging Helseskadelege tradisjonar Kjønnslemlesting Omskjering Psykisk helse
RVTS Vest og IMDI Vest arrangerer fagdagar om kjønnslemlesting, tvangsekteskap og æresrelatert vald i region vest.
Før sommaren vart det arrangert to fagdagar for fagfolk i Fonna-området som kjem opp i desse problemstillingane. Chiku Ali frå RVTS Vest og Nuray Yildirim Gullestad frå IMDI Vest førelas.
Chiku gav ei innføring i utbreiinga av og dei ulike formane for kjønnslemlesting. Ho førelas om arbeidet som er gjort for å hindre at dette skjer, kva som kan fungere, og kva som fungerer dårleg.
Til dømes var fengsling av dei som utførte inngrepa og forbod mot kjønnslemlesting tiltak som allereie på 60-talet (i Tanzania) vart iverksett for å hindre kjønnslemlesting.
– Trass i dette fortsatte enkelte folkegrupper praksisen. Det gjekk frå å vere ei festlig hending, til å bli ei hending som føregjekk i de skjulte. Lovar og reglar åleine fungerer ikkje i møte med grupper som praktiserer omskjæring, ein må tenkje annleis, sa Chiku.
Vidare førelas ho om kva kulturkompetanse ein treng i møte med dei råka gruppene, og om kurset “Endringsagentar”, som er utvikla av Chiku sjølv.
Nuray gav ei innføring i omgrepa ære, ekstrem kontroll, tvangsekteskap og æresrelatert vald i eit migrasjonsperspektiv, samt korleis ein kan identifisere saker som handlar om desse problemstillingane.
I tillegg førelas ho om regjeringa si satsing for å bekjempe tvangsekteskap, kjønnslemlestelse og alvorlige begrensninger av unges frihet, 2013-2016.
I etterkant av kurset, spurte vi nokre av deltakarane om deira oppleving av fagdagane
Nina H. Svendsbø, Barneverntjenesten i Karmøy:
– Foreleserne var flotte å høre på og fikk formidlet det de skulle si på en fantastisk og inspirerende måte. Innholdet er viktig. Jeg har jobbet i barneverntjenesten i 14 år og har aldri tidligere hatt mulighet til å dra på et kurs om disse temaene. Vi vet altfor lite om dette. Det er viktig kunnskap og det hadde også vært interessant å fått vite mer om andre land som praktiserer dette. Jeg håper at mange flere får mulighet å delta på slike samlinger og det var lurt å ikke være for mange deltakere. Nå var det mulig å drøfte og stille spørsmål. Kjempebra kurs!
Synnøve Nornes, lærer på KVOS, Karmøy kommune:
– Jeg syntes opplegget var fint. Alle som jobber med deltakere fra aktuelle land der dette skjer, burde fått en slik samling. Jeg bruker noe fra kurset hver dag i min jobb på KVOS, Karmøy. I tillegg til vanlig norskgruppe, har vi ICDP-gruppe, der vi bruker det. Kursholderne var gode til å formidle og gjorde stoffet “interessant”, selv om det er “tungt” stoff .
Fagdagane vert arrangert følgjande stader i haust
Suldal: 30. september-1. oktober på Kulturhuset i Suldal
Stord: 14-15 oktober Stord Hotell
Dagane har tidlegare blitt arrangert i Stryn og Florø.
Er du interessert i RVTS Vest sitt arbeid mot kjønnslemlesting, tvangsekteskap og æresrelatert vald? Kontakt oss på rvts@helse-bergen.no.
Relatert
– Omskjæring er alle sin buisness
Sjå filmen “Banaz A Love Story” – ein viktig film om æresdrap (Emmy Award 2013 – Best International Current Affairs Film)