– Dette bekrefter at vår satsing på samtalemetodikk med barn er viktig

Reidun Dybsland er glad for den nyleg publiserte NOU’en “Svikt og svik” som Regjeringa sitt Barnevoldutvalg har laga.

– Gjennom sakene som Barnevoldsutvalget gjekk gjennom, var det gjennomgåande at det ikkje var nokon som hadde snakka med barnet eller ungdommen om det dei hadde opplevd. For oss er dette dessverre ikkje overraskande. Gjennom arbeidet her ved RVTS Vest, vert vi stadig kopla på saker der vi ser at mange opplever det som vanskeleg å snakke med barn. Det viser at vårt tilbod om å undervise i samtalemetodikk med barn og vår satsing på oppretting av tverretatlege konsultasjonsteam om vald og overgrep er svært viktig, og noko vi sjølvsagt skal fortsetje med.

– Vi var ein gjeng som i dag satt og fulgte med på livestreaminga av overleveringa, men vart avbrutt av brannøvinga på bygget, så vi fekk ikkje med oss alt, seier Reidun muntert.

– Eg vil ellers rose arbeidet Barnevoldsutvalget har gjort, kor vår dyktige kollega Dag Nordanger er nestleiar. – Eg håper at NOU’en vil føre til at Regjeringa legg inn gode, systematiske tiltak som gjer det lettare for fagfolk, på tvers av faggrupper,  å fange opp og snakke med dei barna som lever med omsorgssvikt.

Relatert

• Barnevoldsutvalget: – Et svik mot barna (NRK)
• Barnevoldsutvalget: Vårt nasjonale svik mot barna (Kronikk, Aftenposten)
• Barnevoldsutvalget: Vil ha meldeplikt for barneovergripere og nye pålegg til barnevernet (Nyhet, Aftenposten)
• Avdekking av vold og seksuelle overgrep mot barn – Den viktige samtalen (Stemme i vest, Reidun Dybsland)
• Barn må vite – Informasjonsfilm for barn om seksuelle overgrep