E-læring

Vald og seksuelle overgrep er eit alvorleg samfunnsproblem.

Trygg til handling er utvikla for å effektivt styrke tenestane i møte med barn, unge og familiar som opplever vald og seksuelle overgrep, slik at fleire vert oppdaga tidleg og får rett hjelp til riktig tid. 

Opplæringsressursen sikrar grunnleggande kunnskap i tenestene på ein praktisk gjennomførbar måte. Trygg til handling er naturleg å sjå i samanheng med Snakke med barn; begge er viktige ressursar i planar og innsats for førebygging og avdekking av vald og seksuelle overgrep.  

Tidleg oppdaging av utsette barn og unge

Den nasjonalfaglege retningslinja “Tidlig oppdagelse av utsatte barn og unge” understrekar at tilsette som arbeider med barn og unge så tidleg som mogleg bør identifisera barn og unge som lever i ein risikosituasjon. Sjå film nasjonal faglig retningslinje for tidlig oppdagelse av barn og unge eller gå direkte til retningslinja for å lese mer.

Merksemd på teikn og signal som gir grunn til bekymring, kunnskap om risiko- og beskyttelsesfaktorar og kompetanse i å snakke med barn og unge er viktig i arbeidet med førebygging og oppdaging av utsette barn og unge.  

Trygg til handling gir grunnleggande kompetanse om barn og unge som opplever vald, seksuelle overgrep og anna omsorgssvikt, og kan nyttast til opplæring og fagutvikling. 

Idè og utvikling 

Trygg til handling vart først utvikla av RVTS Vest i samarbeid med Gjesdal kommune, med støtte frå Redd Barna. Sida er revidert i 2022 i samarbeid med Statsforvaltaren i Vestland. Statsforvaltaren i Vestland bidreg med viktig kunnskap om kva kommunane og tenestene har behov for i oppfølging av barn, unge og familiar som opplever vald og seksuelle overgrep.

Astrid Mohus  har vore sentral i revideringsarbeidet, først som psykologstudent, seinare som tilsett prosjektmedarbeidar.