Pilot om traumebehandling

RVTS Vest skal starte eit kompetansehevingsprogram om traumebehandling

Programmet startar opp som eit pilotprosjekt i eit DPS i Helse Fonna.

Deltakarane skal gjennom fem ulike modular;

• Nyare og eldre traumeforståing
• Faseorientert behandlingsmetode: Fordelar og ulemper
• Ulike stabiliseringsopplegg
• Kompleks traumeforståing i samband med planlegging av behandling
• Hjelp til hjelparen

Mellom kvar undervisningssamling skal deltakarane fordjupe seg i litteratur, diskutere og praksisere det dei har lært. Målgruppa for programmet er alle tilsette ved DPS’en; frå miljøpersonell til behandlarar. Tanken er at alle i behandlingskjeden har same forståinga i botn, slik at det til slutt vil komme pasienten til gode.

Programmet er utvikla i samarbeid med Helse Fonna, og RVTS Vest ser for seg at liknande program kan vere eit tilbod til andre DPS’ar i region vest, men at opplegget skal skreddersyast etter behova i DPS’en.

Har du spørsmål knytta til kompetansehevingsprogrammet, kan du kontakte oss på rvts@helse-bergen eller 559766.

Psykologspesialist Marie-Christine Merametdjian (t.v) og Psykolog Pia Theisen  er ansvarleg for det faglege innhaldet i kompetansehevingsprogrammet, og ser fram til å møte deltakarane.