12. – 13.03.25: Førstehjelp ved sjølvmordsfare

12. – 13. mars 2025 arrangerer vi VIVAT-kurset Førstehjelp ved sjølvmordsfare.

Sjølvmord er eit komplekst samfunnsproblem. Kurset gir kompetanse til å oppdage signal på sjølvmordstankar og gi førstehjelp ved sjølvmordsfare.

Målgruppe:

Kurset passar for deg som til dømes arbeider i helse- og sosialsektoren, undervisningssektoren, politiet, brann- og redningstenesta, forsvaret, eit trussamfunn. Kurset er også relevant for deg som engasjerer deg i frivillig arbeid eller ønskjer å lære å gi førstehjelp ved sjølvmordsfare. Aldersgrense 18 år.

Kursinnhald:

Du får moglegheit til å bli meir bevisst på dine eigne haldningar til sjølvmord. Kursleiarane gjennomgår kunnskap om sjølvmordsåtferd og viser ein modell for intervensjon ved sjølvmordsfare. Vi øver på å bruke modellen.

Du lærer å:

• oppdage menneske som har det vanskeleg og kan vere i sjølvmordsfare
• stille direkte spørsmål om sjølvmordstankar
• hjelpe personen i sjølvmordsfare til å snakke om det som er vanskeleg
• arbeide med usikkerheit om å leve eller døy
• lage og setje i verk ein plan med vedkomande, der målet er å berge liv
• bruke hjelparressursar i lokalsamfunnet

Kurset bruker ulike læringsmetodar som førelesing, film, diskusjon, erfaringsutveksling, praktiske øvingar og arbeid i grupper. Kurset er prosessorientert og har ei fagleg og pedagogisk oppbygging som krev full deltaking begge kursdagane.

Sjå film om kurset

Dato:

12. – 13. mars 2025

Stad:

Thon Hotel Partner Jølster

Pris:

1500,-

Forelesarar:

• Nils Petter Hauge
• Linda Thommasen
• Chiku Ali

Påmeldingsskjema

Kurset er godkjent av følgjande fagforeiningar:

• Den norske legeforeining: Emnekurs/klinisk emnekurs i psykiatri til vidare- og etterutdanning i allmennmedisin (16 poeng). Valfritt kurs under spesialisering og for spesialistane si etterutdanning i samfunnsmedisin (14 timar).
• Fagforbundet: Tellande til klinisk fagstige for hjelpepleiarar og omsorgsarbeidarar (14 timar).
• Norsk Ergoterapeutforbund: Spesialistspesifikt kurs, meritterande til ergoterapeutspesialist i allmennhelse og mental helse (12 timar).
• Norsk Psykologforening: Fritt spesialkurs (14 timar) og vedlikehaldskurs (14 timar).
• Norsk Sjukepleiarforbund: Merittering for godkjenning til klinisk spesialist i sjukepleie/spesialsjukepleie (14 timar).
• Norsk Gestaltterapeut Forening: 12 timar profesjonell fagleg oppdatering i kategori D2.