Sjølvmord, identitet og skam

Illustrasjonsfoto: Annie Spratt, Unsplash

RKBU Vest og RVTS Vest ­inviterer til forebyggings­forum med fokus på sjølvmord, identitet og skam.

Tema som vert belyst er nullvisjon for sjølvmord, skam i sosiale medier, seksuell trakassering, rus, unge og sjølvmord og det å vere ung og skeiv i 2018.

Sistnemde tema er det journalist og programleiar Gisle A. Gjevestad Agledahl som skal førelese om. Gisle brukte mange år på å stå trygt i seg sjølv. Med eigne erfaringar i ermet, tek han i bruk forsking og målgruppekunnskap for å nøste opp i vår tids utfordringar knytt til identitet og seksualitet.

Foredraget tek utgangspunkt i tematikken frå NRK-serien «Jævla homo», men nyanserar og går djupere inn i materialet enn det er rom for på TV-skjermen. Kva behov har skeiv ungdom i dag – og korleis skal vi møte dei?

Forebyggingsforumet er for alle som har ein jobb kor dei møter unge, og ellers alle som er interessert i temaet. Arrangementet er utan avgift.