Aktuelt
Oppstart av nytt konsultasjonsteam om vald og seksuelle overgrep
- 15/12/2015
- Av: RVTS Vest
- Kategori: Aktuelt avdekking Psykisk helse Seksuelle overgrep Vold
Nyleg var det oppstart av konsultasjonsteam om vald og seksuelle overgrep mot personar med utviklingshemning og andre særleg sårbare med utviklingsforstyrring over 16 år.
Konsultasjonsteamet tek i mot bekymringar knytta til personar med utviklingshemning og andre særleg sårbare med utviklingsforstyrring over 16 år, der det er mistanke om at personen er vitne til vald, utsett for vald eller utsett for seksuelle overgrep.
Konsultasjonsteamet er samensett av personar frå Statens Barnehus Bergen, Autismeteamet, Helse Bergen HF og Bergen kommune, Etat for tjenester til utviklingshemmede.
I oppstartsfasen får konsultasjonsteamet opplæring og retteliing av Reidun Dybsland ved RVTS Vest .
Teamet tilbyr anonyme drøftingar av konsultativ/rådgjevande art til fagfolk/offentleg tilsette og privatpersonar.
Målsetjinga er å bidra til auka avdekking av vald og overgrep. Dette gjennom at fagfolk og privatpersonar kontaktar teamet med sine bekymringar. Teamet bidreg med koordinering av det vidare arbeidet for å sikre rett hjelp til rett tid.