Ny medarbeidar: Elisabeth Harnes

Møt Elisabeth Harnes, vår nyaste medarbeidar.

Elisabeth er koordinator for RVTS Vest sitt arbeid mot radikalisering og valdeleg ekstremisme, og spesialkonsulent i fagteam flyktninghelse og tvungen migrasjon.

Elisabeth har master i religionsstudiar og bachelor i interkulturell forståelse og migrasjonspedagogikk. Ho har utgjeve boka Re-defining your Black Self- The Muslim Way. “Conversions from Christianity to Islam among African-Americans”, som er basert på masteroppgåva hennar.

Ho er utdanna familieterapeut frå HIB og sertifisert ICDP rettleiar (minoritetsmodellen). Har studiar i sjelesorg, rettleiing og familieterapi frå Lausanne, Sveits og Indianapolis, USA – samt studiar i teologi og kulturforståing frå Mexico og Guinea Bissau.

Elisabeth har arbeidd som sosialarbeidar og terapeut med straffedømde ungdomskriminelle og foreldre på prøveløslating i Indianapolis. Her jobba ho og med oppfølging av barn i fosterheim og som terapeut i familiegjenforeningsaker. Har jobba med prosjektutvikling og rettleiing innanfor sosialt og psykososialt arbeid med foreldrelause barn i Kenya, og hatt fleire feltarbeidsopphold i ulike afrikanske land.

I Noreg har ho jobba som lærar for nyankomne innvandrarar ved Nygård skule i Bergen og hatt ulike undervisningsstillingar ved NLA høgskolen.

Sidan 2011 har ho jobba i IMDi som minoritetsrådgjevar for å førebygge tvangsekteskap, kjønnslemlesting og æresrelatert vald – spesifikt med etnisk minoritetsungdom, kvinner og foreldre som er råka av problematikken eller andre integrerings- og migrasjonsrelaterte utfordringar. Samstundes jobba ho på systemnivå med undervisning og rettleiing av tverretatlege instansar.

Elisabeth er oppteken av at nyankomne etniske minoritetsungdom får adekvat hjelp til å forhandle, bevisstgjerast og verta trygge kring si identitetsdanning og migrasjonshistorikk. Ho  har særleg fokus på kultur-, traume- og religionssensitivitet i terapirommet. Empowerment av valdsutsette kvinner og ungdom i patriarkalske og kollektivistiske familiesystem/minoritetsmiljø er eit viktig fokus i hennar arbeid- samt eit ekstra blikk på interkulturell forståing, verdikonflikter, familiegjenforening, etnisk diskriminering, transnasjonale familieliv, æresbegrepet, tvangsekteskap og alvorleg begrensing av unge sin frihet.

Elisabeth brenn for likeverdige helse- og sosialtenester til personar med minoritets-, flukt- og asylbakgrunn. Dette inneber ei styrka kompetanse og sensitivitet kring kulturforståing, traumer, migrasjonsstress – samt ein reell interesse for «Den Andre». Ei tilnærming kor den Sør-afrikanske humanistiske ideologien Ubuntu: «jeg er menneske gjennom andre menneske» er tileigna større verdi og forståing- og kor Emmanuel Levinas nærhetsetiske tilnærming i møte med «Den Andres Ansikt» kan styrkje empatien og kvaliteten i arbeidet med denne gruppa i hjelpeapparatet:

Når vi møter et annet menneske, ansikt til ansikt, på et likestilt nivå av felles menneskelighet, våkner vår etiske bevissthet. Den andres ansikt utsteder en ubedt appell om ansvar, et ansvar som er mitt, ikke noen annens eller hvermanns. Ansiktet eksponerer nakenheten, nøden, det trengende hos Den andre. Ansiktet er den rene, ikke-forstilte sårbarheten, som uvegerlig gir meg et ansvar jeg ikke fritt kan velge om jeg vil eller ikke vil ta på meg 

Du finn Elisabeth sin kontaktinformasjon under Fagteam flyktninghelse og tvungen migrasjon