Aktuelt

Kva kan vi gjere for å førebyggje utvikling av ekstreme haldningar i skulen?

Ingen kommentarer
Kva kan vi gjere for å førebyggje utvikling av ekstreme haldningar i skulen?

For andre år på rad, er vi i gang med undervisning for lærarar i ungdomsskule og vidaregåande skule som handlar om å auke kunnskapen om radikalisering og valdeleg ekstremisme.

Kurset er ein del av Bergen kommune sin handlingsplan mot radikalisering og valdeleg ekstremisme, og vert arrangert av Bergen kommune og Hordaland fylkeskommune. Undervisninga er utvikla av RVTS Vest og RAFTO Stiftelsen.

Kurset er utvikla på grunnlag av at skuler arbeider førebyggande mot radikalisering og ekstremisme på tre nivå. Innhaldet skal gi auka kompetanse på alle nivå.

1. Danning

Skulane sitt samfunnsmandat: utvikling av sosial kompetanse, inkludering, empati, samfunnsengasjement, demokratiske haldningar, kritisk tenkning og ansvarsbevissthet.

2. Igangsetjing av tiltak

Når det i nærmiljøet eller på skulen skjer ei polarisering og bruk av gruppefiendtlige skjellsord eller haldningar veks fram, når vi ser at det vert utvikla risikogrupper.

3. Beredskap

Når ein bekymrar seg for om elevar enten enkeltvis eller saman i grupper blir ein del av eit ekstremt eller antidemokratisk miljø, og ser det naudsynt å gripe inn i forhold til
enkeltindivid. På dette nivået er det naudsynt å ha kontakt med andre etatar.

 

31. januar var fokus på igangsetjing av tiltak.  Solveig Molderheim fra RAFTO Stiftelsen hadde innlegg om fordommar, og korleis møte desse i klasserommet. Elisabeth Harnes frå RVTS Vest underviste om “Livets tre”, som er ein narrativ metode for identitet og tilhørighet, og presenterte kunnskapsportalen om radikalisering og valdeleg ekstremisme, utveier.no, som er utvikla av RVTS.

I tillegg hadde Abdullahi Ibrahim, lærar ved Slettebakken skule, innlegg om korleis diaspora-miljøa jobbar for å førebyggje radikalisering og valdeleg ekstremisme, og korleis skulane og diaspora kan jobbe saman. David Martinez, grunnleggar av Møhlenpris idrettslag, førelas om sosiale tiltak for ungdom i risikosona.

 

Abdullahi Ibrahim er lærar ved Slettebakken skule og partnar i Bergen kommune sitt samarbeidsprosjekt med somaliske organisasjonar og RVTS Vest.
David Martinez er grunnleggar av Møhlenpris idrettslag og tidlegere stifinnar i New Page.