Aktuelt
Frå utanforskap til innanforskap
«Forebygging og bekjempelse av radikalisering og voldelig ekstremisme er et felles samfunnsansvar. Den tette oppfølgingen må gjøres i lokalmiljøer, skolen, arbeidsplasser og av myndigheter» sa statsminister Erna Solberg då regjeringa la fram sin handlingsplan for å styrke innsatsen mot radikalisering og valdeleg ekstremisme.
Elisabeth Harnes ved RVTS Vest koordinerer vårt arbeid med å førebyggje radikalisering og valdeleg ekstremisme. I tillegg til å ha utvikla ei mentorutdanning for Bergen kommune si mentrorordning for førebyggjing av radikalisering og valdeleg ekstremisme, arrangerte vi i 2015 og 2016 temadagar fleire stader i regionen om temaet.
– No skal vi arrangere ein oppfølgingsdag i Sveio som gir ei oppdatering på fagfeltet radikalisering og valdelig ekstremisme med fokus på relevant forskning, utviklingen nasjonalt og regionalt, årsaker til utanforskap og marginalisering, fordommar, casearbeid, seier Elisabeth.
– I tillegg tilbyr vi ein miniworkshop kor vi set fokus på psykososial metodikk og førebygging av antidemokratiske haldningar. Det vert ei innføring i metoden: «Livets Tre», som er ein traumestabiliserande og narrativ metode for identitet og tilhørighet som er eit godt førebyggande verktøy både til grupper og enkeltsamtalar.
– Ein representant frå Raftostiftelsen vil gi ei innføring og workshop i «Bookmarksøvelser mot hatprat» som er utvikla og utgjeve av Europarådet, som har som mål å utvikle alternative reaksjonsmåtar mot hatprat, bevisstgjering og sjølvregulering blant brukarar og å oppmuntre til støtte for dei som er utsett for hatprat. Metoden eigner seg godt både blant barn og ungdom i skulen og annan type førebyggende arbeid mot radikalisering og ekstremisme, avsluttar Elisabeth.
RVTS Vest tilbyr kompetanseheving, fagdagar og rettleiing kring tematikken radikalisering og valdelig ekstremisme knytta opp mot både EMA, asylmottak, skule, politi, barnevern, spesialisthelsetenesta etc. Ta kontakt med Elisabeth Harnes.