Webinar om kartleggingsverktøyet PROFESOR

RVTS Vest arrangerer 13.11.24 webinar om kartleggingsverkøyet PROFESOR.

PROFESOR er eit kartleggingsverktøy til bruk i arbeidet med ungdom og unge vaksne som har utøvd grenseoverskridande seksuelle handligar.

– På webinaret vert det ei systematisk gjennomgang av bakgrunn og bruk av verktøyet. Det vert lagt tilrette for dialog, seier psykologspesialistane Steinar Hvål og Mette Ekenes Garmannslund. – Vi anbefaler å melde seg på saman med ein kollega. Det er viktig å ha ein person å trene saman med. I løpet av webinaret er det satt av tid til å diskutere med sidemann eller i ei lita gruppe.

Om PROFESOR

PROFESOR er et kartleggingsverktøy og strukturert sjekkliste fagfolk kan bruke for å identifisere beskyttande faktorer og risikofaktorar, for ungdom og unge vaksne (12–25 år) som har utøvd grenseoverskridande seksuelle handlingar.

PROFESOR er meint brukt ved planlegging av intervensjonar, for å hjelpe den unge til ei betre seksuell og relasjonell helse, og på den måten forebygge tilbakefall av grenseoverskridande seksuell atferd.

Kanadiske Dr. James Worling har utvikla PROFESOR. Verktøyet er omsatt til norsk i samarbeid med Worling, Ressursenheten V27 ved Betanien sjukehus og RVTS Vest. 

Webinaret vil kunne sette deltakaren i stand til å bruke PROFESOR i sitt arbeid. PROFESOR er gratis og fritt tilgjengeleg for bruk og nedlastning.

Førebuing til webinaret

Vi oppmodar om å kikke på skåringssskjema, skåringsassistent og brukarrettleiing, som ligg på www.rvtsvest.no/profesor og ressurssida til James Worling, www.profesor.ca.

Praktisk informasjon:

Dato: 13. november 2024
Tidspunkt: 09.00 til 15.00
Avgift: Ingen avgift 

Gå til påmelingsskjema!

Tema:

• Bakgrunn for utvikling av verktøyet
• Målgruppe og bruksområde
• Gjennomgang av beskyttande faktorar og risikofaktorar ved bruk av kasuseksempler
• Skåring og handtering av resultat frå kartlegginga
• Vegen vidare

Etter fagdagen vil du:

• Ha god kjennskap til PROFESOR.
• Kunne bruke PROFESOR som eit utgreiingsverktøy, kartleggingsverktøy og som sjekkliste.
• Kunne bruke PROFESOR i planlegging av tiltak, støtte, tryggleiksplanar og behandling.
• Hjelpe kollegaer og andre til å bruke verktøyet.
• Kunne bruke PROFESOR som hjelpemiddel i samrådsmøter og rettleiingsmøter.

Målgruppe:

Fagpersonar som har basiskunnskap om barn og unge som har utført grenseoverskridande seksuelle handlingar. Det er ein fordel med erfaring i bruk av kartleggingsverktøy.

Foredragshaldarar:

Psykologspesialist Mette Ekenes Garmannslund
Psykologspesialist Steinar Hvål