Vi inviterer kommunar som ønskjer å styrke sitt arbeid med å førebygge, oppdage, handle og hjelpe barn og unge som står i fare for, eller som vert utsett for, vald og seksuelle overgrep til å delta i nettverket.

Tekst: Statsforvaltaren i Vestland

Dato: 15. februar 2024 11:30 – 16. februar 2024 13:00

Stad: Clarion hotel Bergen

Påmeldingsfrist: 1. februar 2024

Det er Ressurssenter om vold, traumatisk stress og selvmordsforebygging (RVTS), Statsforvaltaren, Kompetansesenter for rusfeltet (KORUS), Regionalt kompetansesenter for barn og unge (RKBU) og Tannhelsetjenestens kompetansesenter Vestland som inviterer til samlinga, som skal vere på Clarion hotel i Bergen.

Vi vil tilby kommunane støtte i det valdsførebyggande arbeidet

Implementering av nye arbeidsmåtar, metodar og kompetanse er eit krevjande og langsiktig arbeid som krev gode planar, gode strukturar og ei leiing som evnar å halde oppe merksemda og innsatsen over tid. Vi frå Statsforvaltaren og kompetansemiljøa ønskjer å gjere det vi kan for å understøtte kommunane i dette viktige arbeidet. God og heilskapeleg rådgjeving og støtte er eit slikt grep.

Nettverk er ofte ein hensiktsmessig måte å spreie kunnskap og dele erfaringar på tvers av kommunegrenser og ulike fagområde. Vi håpar nettverket skal bli ein nyttig arena for å få fagleg påfyll, knyte kontakt med andre med liknande arbeidsoppgåver og dele erfaringar. Vi håpar også at nettverket kan bidra med inspirasjon til korleis vi kan arbeide for at færre barn vert utsett for vald eller overgrep, og at dei som er utsett skal få den hjelpa dei treng raskt. 

Fysisk samling for alle faste representantar i nettverket 

Kvar kommune kan melde på mellom to til seks faste representantar til nettverket. Om din kommune ikkje er meldt inn i nettverket, men ønskjer å delta på samlinga, kan de ta kontakt med arrangør. Sjå kontaktinformasjon på Statsforvaltaren i Vestland si nettside.

Kommande samlingar

Noter gjerne tidspunkt for neste samling i nettverket allereie no:

• Tredje samling: Onsdag 10. april klokka 12:00 – 15:00 (digital samling på Teams)

Les meir om bakgrunn og føremål for nettverket

Den 8. september sendte vi ut informasjon og invitasjon til postmottaka i alle kommunane i Vestland.

Gå til påmelding på nettsida til Statsforvaltaren i Vestland.