Nidal Alkahlout skal vere i språk- og arbeidspraksis her ved senteret.
Nidal er utdanna sosiolog i Egypt, og har ein PhD og master innanfor sosiologi. PhD-arbeidet hans fokuserte på korleis familiar på Gaza-stripa sin økonomiske og sosiale situasjon kan påvirke barna sine liv. Masteroppgåva handla om politisk liv i Palestina, med særleg fokus på studentunionen der.
Han har jobba som førelesar ved Al-Quds Open University i Palestina, innanfor fagområda sosiologi og sosialt arbeid. Han har og jobba som sosialarbeidar ved Al-Karama i Gaza. Her jobba han med barn som av ulike grunnar mista foreldra sine, blant anna på grunn av Israel-Palestina-konflikten.
Nidal flytta til Noreg i 2009 på grunn av den alvorlege krigssituasjonen i Palestina. I Noreg budde han eitt år på mottak i Olderdalen, nord for Tromsø, før han flytta til Bergen. Her har han blant anna hatt arbeidspraksis ved Christian Michelsens Institutt før han starta ved RVTS Vest.
I tillegg til å ha språkpraksis, skal Nidal vere med og bidra med si erfaring og kunnskap på temadagar og anna undervisning.