Digital workshop om negativ sosial kontroll og æresrelatert vald

Foto: Linda Xu / Unsplash

Den 10. og 11. juni inviterer Integrerings- og mangfoldsdirektoratet (IMDi) til workshop for tilsette i førstelina som møter unge utsett for negativ sosial kontroll og æresrelatert vald.

– Seminaret er ekstra relevant for RVTS Vest sine medlemmer i dei regionale nettverkene mot negativ sosial kontroll og æresrelatert vald og deira øvrige samarbeidspartnarar i barnevern, familievern, politi, NAV, utekontakt, skule, helse, flyktninghelse og så vidare, sier Elisabeth Harnes, RVTS Vest sin koordinator for det regionale nettverksarbeidet.

I region vest koordinerer RVTS Vest (på bakgrunn av tiltak 23 i den nasjonale handlingsplanen mot tvangsekteskap og æresrelatert vald) blant anna Vestlandsnettverket (tidlegare Bergensnettverket) mot negativ sosial kontroll og æresrelatert vald i samarbeid med Vestland fylkeskommune. I tillegg samarbeider vi med  Stavangernettverket, Nord-Rogaland Nettverket og fagteam i Rogaland fylkeskommune som er sentrale aktørar i arbeidet med negativ sosial kontroll og æresrelatert vald i vår region.

Innhald i fagdagen

Tema for dagen er korleis forebygge og handtere saker som omhandlar negativ sosial kontroll, tvangsekteskap, kjønnslemlesting og æresrelatert vald.

• Erfaringar frå Sverige, Danmark og Norge
• Caser frå tiltakskjedja og førstelinetenesta i Noreg

Med tanke på at casene vert presentert av regionale samarbeidspartnarar, har IMDi tenkt seg følgande deling for deltaking:

• Torsdag 10. juni er målgruppa primært deltakarar frå region nord, midt og vest.
• Fredag 11. juni er målgruppen primært deltakarar frå region sør, Viken og Oslo.

Det er likevel anledning til å melde seg på den dagen som passar best, uavhengig av regiontilhøyre. Hugs å krysse av i påmeldingsskjema kva dato du ønsker å delta.

Del gjerne med kolleger, nettverk og aktuelle samarbeidspartnarar som kan ha nytte av webinaret.