Marie-Christine Merametdjian, psykologspesialist og spesialkonsulent i fagteam flyktninghelse og tvungen migrasjon, er med i Helsedirektoratet sitt fagråd for likeverdige helse- og omsorgstenester til innvandrarbefolkninga.
Rådet skal bistå Helsedirektoratet i arbeidet med likeverdige helse- og omsorgstenester for innvandrarbefolkninga, og består av fagpersonar med innvandrarbakgrunn og norske fagpersonar med særleg kompetanse på helse og sjukdom i innvandrarbefolkninga, innvandrarar sin bruk av helsetenester, samt likestilling og diskriminering.
– Dette er ein måte å gjere Helsedirektoratet merksam på forhold som er viktige når det gjeld helse og omsorgsstenester for innvandrarbefolkninga generelt, og å løfte fram kva som er viktig å meddele frå vår region.